“Daha əvvəl internetdə AZAL-ın qəzaya uğrayan təyyarəsinin pilotlarının danışıqlarına dair yayılan məlumatlar “qara qutu”da olan materiallardan fərqlənir”.

“İki sahil” “RBC” portalına istinadla xəbər verir ki, bu barədə məlumatı Qazaxıstanın Baş nazirinin müavini Kanat Bozumbayev açıqlayıb. 

“Məlumatlar arasında böyük fərq var. Rəsmi mənbələrin məlumatlarını gözləyin”, - deyə Bozumbayev qeyd edib. 

Onun sözlərinə görə, “qara qutu”da olan heç bir məlumat itməyib və onların surəti Azərbaycan və Rusiyaya təqdim edilib. 

Xatırladaq ki, Bozumbayev qəza ilə bağlı araşdırmanın ilkin nəticələrinin gələn həftə açıqlanacağını da bildirib.