Paytaxtın yol infrastrukturu yenilənir, Bakı yollarında təmir işləri davam etdirilir.

“İki sahil” xəbər verir ki, iyunun 15-dən etibarən həyata keçirilən genişmiqyaslı təmir proqramı çərçivəsində 101 küçə və prospektdə işlər yekunlaşdırılıb. Bu müddət ərzində orta hesabla hər 33 saatda bir küçə və ya prospekt təmir olunub, 51 kilometrdən çox yol yenilənib və ümumilikdə 784 935 kvadratmetr asfalt-beton örtüyü döşənilib.

Təmir işləri paytaxtın 12 inzibati rayonunu əhatə edib.

Ümumilikdə 110 küçə və prospekti əhatə edən proqramın 92 faizi artıq tamamlanıb. Paytaxtın yol infrastrukturunun yenilənməsi istiqamətində işlər davam etdirilir.