İyulun 2-də Özbəkistan Prezidenti Şavkat Mirzyoyevin Azərbaycana dövlət səfəri təkcə iki ölkə rəhbərinin niyyətlərinin sübutu deyil, həm də qardaşlıq, dostluq münasibətlərinin möhkəm təməlinin təsdiqidi. Prezident İlham Əliyev səfər zamanı mətbuata bəyanatla çıxış edib. Dövlətimizin rəhbəri vurğulayıb ki, Özbəkistan xalqı Heydər Əliyevin özbəklərə, Özbəkistana münasibətini çox yaxşı bilir. Səfər zamanı Bakıda Daşkənddə Heydər Əliyev Meydanının açılışının olması da rəsmi Daşkəndin Bakı ilə münasibətlərinin inkişaf etdirilməsində maraqlı olduğunu göstərir. Diqqətçəkən məqam isə bu səfərin 25 il əvvəl ulu öndər Heydər Əliyevin dost ölkəyə səfərinin tarixi ilə üst-üstə düşməsidir.

Daşkəndin mərkəzində Ulu Öndər Heydər Əliyevin xatirəsinə həsr edilmiş Meydanın yaradılması Azərbaycan xalqının böyük oğlu Heydər Əliyevə hörmətin, həm də xalqlarımızın qardaşlığının və dostluğunun təzahürüdür. Küçə, meydan, barelyef, gözəl park – bunlar Azərbaycan xalqının böyük liderinin xatirəsinə, bütün Azərbaycan xalqına həqiqi qardaşlıq münasibətidir.

Hamıya yaxşı məlumdur ki, ulu öndər Heydər Əliyev özbək xalqına böyük sevgi ilə yanaşırdı. Ölkələrimiz arasında cari münasibətlərin strateji istiqamətləri məhz Özbəkistan Prezidenti İslam Kərimovun 1996-cı ildə Azərbaycana və ümummilli lider Heydər Əliyevin 1997-ci ildə Özbəkistana səfərləri zamanı müəyyənləşdirilib.

Heydər Əliyev özbək xalqına böyük sevgi ilə yanaşırdı. 1970-ci illərdə də onun Şərəf Rəşidov ilə dostluğu bütün sovet rəhbərliyinə məlum idi, 1990-cı illərdə də onun İslam Kərimov ilə dostluğu da xalqlarımıza məlum idi və bu, münasibətlərimizin bugünkü inkişafının təməli idi. Bu gün iki ölkənin liderləri bu münasibətləri uğurla davam etdirir, xalqlarımızı inkişaf yolu ilə və sıx qarşılıqlı fəaliyyət yolu ilə aparırlar.

Bildiyimiz kimi hər zaman beynəlxalq müstəvidə Azərbaycan və Özbəkistan bir-birinə dəstək olur. Deməli, Azərbaycan-Özbəkistan münasibətləri dostluq və qardaşlıq münasibətləri səviyyəsindədir. Artıq Azərbaycan şirkətləri bu sahədə müəyyən təcrübələr qazanıblar. Enerji sektorunun inkişafı istiqamətində Azərbaycanın investisiya potensialı Qırğızıstan üçün kifayət qədər faydalı ola bilər. Birgə bəyanatlar zamanı səsləndirilən fikirlər və imzalanan sənədlər bundan sonra iki ortaq kökə malik ölkə arasında münasibətlərin daha da inkişaf etdiriləcəyinin əyani sübutu oldu. Prezident İlham Əliyev Şavkat Mirzyoyevin ölkəmizə səfərini həqiqətən strateji xarakterli səfər adlandıraraq qeyd edib ki, müzakirə olunan mövzuların həm mahiyyətinə, həm formasına, həm məzmununa, bizim gəldiyimiz qərarlara əsasən bu səfər və razılaşmalar münasibətlərimizin gələcək inkişafı üçün əsas olacaq.

Neva Abdurahmanova,
YAP Qusar rayon təşkilatının sədr müavini