Estoniya fəal müdafiəyə keçid çərçivəsində "elit qoşunları" daimi yerləşdirmək üçün Rusiya sərhədinə daha yaxın əraziyə köçürür.

“İki sahil” xəbər verir ki, bu barədə "Financial Times" qəzeti Estoniya silahlı qüvvələrinin, kəşfiyyatının və Müdafiə Nazirliyinin nümayəndələrinə istinadla yazır.

Materialda qeyd olunur ki, Tapa şəhərindəki əsas hərbi bazadan... elit qoşunlar şərqə doğru mövqelərə, Rusiya sərhədinə daha yaxın yerlərə köçürülür.

Bölmələrin Rusiya sərhədindən təqribən 50 kilometr məsafədə yerləşən Yıhvi və Narva şəhərlərində yerləşdirilməsi planlaşdırılır.

Bundan əlavə, Estoniya Rusiya ərazisinin dərinliklərinə zərbə endirməyə qadir silahlar da əldə edir.

Nəşrin qeyd etdiyi kimi, Estoniya rəsmiləri Rusiyanın NATO-nun kollektiv müdafiə maddəsinin işləyib-işləmədiyini yoxlamaq məqsədilə məhdud müdaxilə edə biləcəyindən ehtiyat edirlər, respublika və alyans isə hələlik belə bir ssenarinin qarşısını almaq üçün lazımi vasitələrə malik deyil.

Eyni zamanda, Estoniyanın hərbi və kəşfiyyat rəhbərliyi Moskvanın qarşıdakı iki ildə NATO ilə miqyaslı münaqişəyə başlamaq niyyətində olduğunu düşünmür.