Rusiya prezidentinin mətbuat katibi Dmitri Peskov əmin olduğunu bildirib ki, Qərb dövlətləri Vladimir Putinin “Oreşnik” raket sistemini sınaqdan keçirdikdən sonra səsləndirdiyi tezisləri “yaxşı eşitdilər”.

“İki sahil” “Kommersant”a istinadla xəbər verir ki, sınaqlar noyabrın 21-də baş tutub. Rusiya hərbçiləri həmin silahla Dnepropetrovskda Ukraynanın "Yujmaş" müdafiə müəssisəsinə hücum edib.

“Rusiya Federasiyasının mövqeyini prezident Putin açıq şəkildə ifadə etdi. Şübhə etmirik ki, prezidentin səsləndirdiyi bütün tezislər kollektiv Qərb ölkələri tərəfindən yaxşı eşidilib”, - deyə, peskov qeyd edib.

Noyabrın 25-də Ağ Evin koordinatoru Con Kirbi təsdiq edib ki, Ukraynaya Kursk bölgəsinə hücumlar üçün Amerikanın uzaqmənzilli ATACMS raketlərindən istifadə etməyə icazə verilib.