"Bu, xaos, parçalanma və azadlıq arasında səsvermədir."

“İki sahil” ANSA-ya istinadla xəbər verir ki, bunu ABŞ prezidentliyinə namizəd Kamala Harris Ağ Evin arxasındakı böyük qazon olan Ellipsdən etdiyi çıxışda söyləyib: "Dörd il əvvəl buradan danışan Tramp azad və ədalətli seçkiləri ləğv etmək üçün silahlı dəstə göndərdi. Seçkini uduzdu".

"Amerikada liderlər nəslinin vaxtıdır. Mən də hazıram", - deyən Harris, Donald Trampın düşmənlər siyahısına sahib olduğunu vurğulayaraq: "O, qeyri-sabit olduğu ilə razılaşmayan amerikalılara qarşı ordudan istifadə etmək istəyir”.

Mükəmməl olmadığını etiraf edən Harris söz verib ki, vətəndaşları dinləyəcək, konsensus axtaracaq: “Mənə şans versəniz, sizin üçün çalışacağam və heç bir şey məni dayandıra bilməz. Tramp qalib gəlsə, o, düşmənlərinin siyahısı ilə Oval Ofisə girəcək. Mənim prezidentliyim Co Baydendən fərqli olacaq. Dörd il əvvəl biz pandemiyaya son qoymalı idik, indi prioritet xərcləri azaltmaqdır. Mənimlə razılaşmayan insanları belə dinləməyə söz verirəm. Bütün amerikalılar üçün prezident olmağa və ölkəni partiyadan və özümdən üstün tutmağa söz verirəm".

Məhərrəm Ağalaroğlu, “İki sahil”