Səudiyyə Ərəbistanı Rusiya və Ukrayna arasında danışıqlarda vasitəçi olmağa hazır olduğunu bildirib.

“İki sahil” xəbər verir ki, Səudiyyə Ərəbistanının Moskvadakı səfiri Əbdül Rəhman bin Süleyman əl-Əhməd bu haqda TASS-a bildirib.

“Krallıq... bütün tərəflər arasında əlaqə yaratmaq üçün vasitəçilik səylərini həyata keçirməyə hazırdır”- deyə səfir bildirib.

Daha əvvəl Vladimir Zelenskinin ofisinin rəhbəri Andrey Ermak bildirib ki, danışıqlar üçün 2022-ci ilin ərazi sərhədlərinə qayıtmaq lazımdır.