Rusiya tərəfi Yaxın Şərqdə münaqişənin bütün tərəfləri ilə daimi təmasdadır və gərginliyi azaltmağa çağırır.

“İki sahil” “Kommersant”a istinadla xəbər verir ki, bunu Rusiya prezidentinin mətbuat katibi Dmitri Peskov bildirib.

“Biz bu əlaqələri saxlayırıq. Təbii ki, Rusiya tərəfləri təmkinli olmağa çağırmaq və gərginliyi azaltmaq üçün istənilən cəhdləri asanlaşdırmaq üçün daim mümkün olan hər şeyi edir”, - deyə Peskov mətbuata açıqlamasında bildirib.

Peskov onu da bildiirib ki, İsrailin hücumundan dərhal sonra prezident Vladimir Putin Yaxın Şərq liderlərindən heç birinə, o cümlədən İsrail, Fələstin və İran liderlərinə zəng etməyib.