14-cü Bakı Beynəlxalq Qısa Filmlər Festivalının açılışı olub.

“İki sahil” xəbər verir ki, Gənc Kinematoqrafçılar Mərkəzinin təsis etdiyi festivalın açılışında ölkənin kino ictimaiyyəti, Mədəniyyət Nazirliyinin rəsmiləri, xarici ölkələrin Azərbaycandakı səfirliklərinin nümayəndələri, festivalın beynəlxalq tərkibli münsiflər heyətinin üzvləri və media mənsubları iştirak edib.

Xatırladaq ki, festivala 78 ölkədən 704 film göndərilib.

Kino mütəxəssislərindən ibarət Seçim Komissiyası bu filmlər arasından Beynəlxalq, “Asiya istedadları” və Yerli müsabiqədə yarışan ekran əsərlərini müəyyənləşdiriblər.

Beynəlxalq müsabiqədə 32 ölkəni təmsil edən 42 film, “Asiya istedadları”nda 17 film, Yerli müsabiqədə isə 26 film festivalın əsas mükafatı olan “Qızıl Nar” uğrunda mübarizəyə qoşulur.

Festival noyabrın 15-dək davam edəcək.