AFFA prezidenti Rövnəq Abdullayev Peşəkar Futbol Liqasının ləğv olunacağı ilə bağlı yayılan xəbərə münasibət bildirib.
Supersport.Az-a açıqlamasında qurum rəhbəri, bununla əlaqədar sərt reaksiya verib:
“Peşəkar Futbol Liqasını niyə ləğv etməliyik? Bunu kim deyib? Bu, boş şeydir. PFL-in fəaliyyətindən razıyam”.
R.Abdullayev, hakimlərlə bağlı komitələrin birləşdirilməsini və avstriyalı sabiq FİFA referisinin rəhbər gətirilməsini müsbət qiymətləndirib.
Bir müddət əvvəl AFFA-nın Hakimlər və Hakim-İnspektorlar Komitəsinin sədri Frits Ştuxlik təyin olunub. Xaqani Məmmədov Hakimlər Komitəsi, Əli Hüseynov isə Hakim-İnspektorlar Komitəsindəki rəhbər vəzifələrini itiriblər.
