Belçikanın müdafiə naziri Teo Franken ölkənin "F-35" qırıcı təyyarələri parkını 16-ya çatdırdığını bildirib.

“İki sahil” xəbər verir ki, nazir "X" sosial şəbəkəsində "F-35" təyyarəsinin uçuş-enmə zolağındakı fotosunu paylaşaraq bunları yazıb:

"FL-014 göyərtə nömrəli təyyarə Florenn aviabazasına eniş etdi. Bu, Florenn bazasında yerləşəcək 8-ci, ümumilikdə isə 16-cı 'F-35' qırıcısıdır", — deyə nazir qeyd edib.

Daha əvvəl Franken Belçikanın ABŞ-dən 2018-ci ildə sifariş etdiyi "F-35" təyyarələrini alan kimi ilin sonunadək istismardan çıxarılmış 8 ədəd Belçika "F-16" qırıcısını Kiyevə təhvil verəcəyinə söz vermişdi.

2018-ci ildə Belçikanın o zamankı Baş naziri Şarl Mişel tərəfindən "Lockheed Martin" şirkəti ilə imzalanmış müqavilə 4,5 milyard avro məbləğində 34 ədəd "F-35" təyyarəsinin əldə edilməsini nəzərdə tuturdu. 2025-ci ilin iyulunda Frankenin təzyiqi ilə Belçika daha 11 maşının alınması üçün 2 milyard avroluq əlavə müqavilə bağlayıb.

Yeni ləngimələr baş verməzsə, bütün 45 təyyarənin 2036-cı ilədək tədarük ediləcəyi gözlənilir.