"Almaniya üçün Alternativ" (AfD) partiyası Saksoniya-Anhalt torpağında keçirilən regional parlament seçkilərində 43,8% səslə tarixi qələbə qazanıb.

“İki sahil” TASS-a istinadla xəbər verir ki, bu, partiyanın ölkə tarixində əldə etdiyi ən yüksək nəticədir.

Səsvermənin rəsmi nəticələri:

AfD — 43,8%

CDU (Xristian-Demokrat İttifaqı) — 17,2%

SPD (Sosial-Demokrat Partiyası) — 9,3%

Yaşıllar — 8,9%

Solçular (Die Linke) — 8,6%

BSW (Zara Vaqenknext İttifaqı) — 5,3% (parlamentə keçib)

FDP (Azad Demokratlar) — 2,6% (parlamentdən kənarda qalıb)

Seçkilərdə iştirak faizi rekord həddə — 77,7%-ə çatıb.

AfD 43,8% səs toplasa da, BSW-nin 5%-lik baryeri keçməsi səbəbindən mütləq əksəriyyət üçün tələb olunan mandat sayına çatmayıb. Partiya 83 yerlik parlamentdə 39 mandat qazanıb (mütləq əksəriyyət üçün 42 mandat lazımdır). AfD-dən olan baş nazir namizədi Ulrix Ziqmund hökuməti formalaşdırmaq mandatına iddia etsə də, digər partiyalar AfD ilə koalisiya qurmaqdan imtina edirlər. Bu da regionda siyasi koalisiya böhranı ehtimalını artırır. Regionu idarə edən Xristian-Demokratlar kəskin səs itkisinə məruz qalaraq ikinci yerə düşüblər.