İranın İslam İnqilabı Keşikçiləri Korpusu (SEPAH) Bəhreyndə yerləşən Amerikanın "Amazon" şirkətinə məxsus məlumatların emalı mərkəzinin məhv edildiyini elan edib.

“İki sahil” xəbər verir ki, bu barədə İran hərbi idarəsinin mətbuat xidmətinə istinadən ISNA agentliyi məlumat yayıb.

Hərbi tərəfin bəyanatına görə, hücum ABŞ-ın tikilməkdə olan "Darxoveyn" atom elektrik stansiyasına endirdiyi raket zərbəsinə cavab olaraq həyata keçirilib.

"SEPAH qüvvələri uşaqları qətlə yetirən Amerika ordusuna kəşfiyyat dəstəyinin verilməsində mühüm rol oynayan 'Amazon' şirkətinin Bəhreyndəki kəşfiyyat məlumat mərkəzinin binasını vuraraq məhv edib," — deyə SEPAH-ın mətbuat xidmətindən bildirilib.