Rusiya ordusu ardıcıl olaraq iki gündür Ukraynanın cənubundakı neft infrastrukturuna zərbələr endirir. Bununla da Moskva Avropaya qeyri-Rusiya neftinin tədarükünü dayandırmaq istəyir.

“İki sahil” xəbər verir ki, bu barədə “Ukrayna Naftoqazı” şirkətinin İdarə Heyətinin sədri Sergey Koretskiy məlumat verib.

Onun sözlərinə görə, rusiyalılar neft obyektlərinə zərbələr endirmək üçün dronlardan istifadə edirlər.

“Nasos stansiyalarından birində zədələnmələr və dağıntılar qeydə alınıb. Hücumlar nəticəsində həlak olan olmayıb. Bu, Rusiyanın “Naftoqaz” infrastrukturunun müxtəlif hissələrinə olan heç də ilk hücum deyil. Rusiya hansı məqsədlə Brodı şəhərindəki “Drujba” neft kəmərinin nasos stansiyasına məqsədyönlü şəkildə dronlarla zərbə endirib onu məhv edirdi? Gec-tez həqiqəti öyrənəcəyik. Ukraynanın cənubundakı nasos stansiyalarına qəsdən edilən hücumların səbəbi isə aydındır - Avropaya qeyri-Rusiya neftinin alternativ tədarükünü qeyri-mümkün etmək”, - deyə o yazıb.

Xilasedicilər artıq yanğının nəticələrini aradan qaldırırlar.

Qeyd edək ki, ilin əvvəlindən bəri Rusiya qoşunları “Naftoqaz” infrastruktur obyektlərinə 30 dəfədən çox hücum edib.