Futbol üzrə Braziliya milli komandası tarixində ilk dəfə Yaponiya yığmasına uduzub.

“İki sahil” xəbər verir ki, bu məğlubiyyət yoldaşlıq oyununa təsadüf edib.

Matçın ilk hissəsi “sambaçılar”ın 2:0 hesablı üstünlüyü ilə yekunlaşıb. Cənubi Amerika təmsilçisinin heyətində Paulo Enrike və Qabriel Martinelli fərqləniblər.

Fasilədən sonra isə vəziyyət tamamilə dəyişib. Braziliya seçməsinin qapısından 3 top keçirən yaponlar əzmkar qələbə qazanıblar. Asiyalıların heyətində qolları Takumi Minamino, Keito Nakamura və Ayase Ueda vurublar.

Qeyd edək ki, bunadək komandalar arasında baş tutan 13 oyunun 11-i Braziliya millisinin xeyrinə başa çatıb, 2 görüşdə isə qalib müəyyənləşməyib.