Fəaliyyətə başladığı gündən etibarən Trans-Adriatik Boru Kəməri (TAP) vasitəsilə Avropaya ümumilikdə 50 milyard kubmetr Xəzər təbii qazı təhlükəsiz şəkildə nəql olunub.

“İki sahil” TAP-ın rəsmi “X” səhifəsinə istinadən xəbər verir ki, bu göstərici region üzrə enerji təhlükəsizliyinin möhkəmləndirilməsinə mühüm töhfə verib.

Rəsmi məlumatlara görə, 2024-cü ilin özündə TAP Yunanıstanın ümumi qaz idxalının təxminən 18 faizini, İtaliyanın isə 16 faizdən çoxunu təmin edib.