Bu gün İngiltərə kubokunun daha bir oyunu keçirilib. 

“İki sahil” xəbər verir ki, turnirin 1/32 finalında "Arsenal" öz meydanlarında "Mançester Yunayted"i qəbul edib. Görüşün əsas vaxtı 1:1 hesabı ilə başa çatib. Qalib penaltilər seriyasında müəyyənləşib. 

11 metrlik zərbələrdə daha dəqiq olan qonaqlar 5:3 hesablı qələbə qazanıb. Beləliklə, "Mançester Yunayted" 1/16 final mərhələsinə yüksəlib. 

Matçın 61 dəqiqə qonaqların futbolçusu Dioqu Dalo qırmızı vərəqə alıb. 70-ci dəqiqədə isə meydan sahiblərinin lehinə penalti zərbəsi təyin olunsa da, Altay Bayandır Martin Edeqorun zərbəsini dəf edib.

Qeyd edək ki, Mançester təmsilçisi turnirin növbəti mərhələsində "Lester"lə qarşılaşacaq. 

"Arsenal" - "Mançester Yunayted" - 1:1 (Penaltilər - 3:5)
Qollar: Fernandeş, 52 (0:1), Maqalyans, 63 (1:1)
Qırmızı vərəqə: Dioqu Dalo, 61 ("Mançester Yunayted")