Türkiyə millisinin üzvləri Kerem Aktürkoğlu və Orkun Kökçünün də formasını geyindiyi "Benfika" Portuqaliya Liqa Kubokunda finala adlayıb.

“İki sahil” xəbər verir ki, komanda yarımfinalda "Braqa" ilə qarşılaşıb. "Benfika" 3:0 hesabı ilə qalib gələrək həlledici mərhələyə vəsiqə qazanıb.

Matçda hesabı 27-ci dəqiqədə Anhel di Mariya açıb. Cəmi 1 dəqiqə sonra Alvaro Karreras fərqi artırıb. 37-ci dəqiqədə isə Di Mariya özünün 2-ci, komandasının 3-cü qolunu vurub.

Keremlə Orkun da bu matçda iştirak ediblər. Orkun meydana start heyətdə çıxıb və 65-ci dəqiqədə Renato Sançezlə əvəzlənib. Kerem isə eyni dəqiqədə Andreas Şxelderupun yerinə oyuna daxil olub.

"Benfika" turnirin finalında "Sportinq"lə qarşılaşacaq. Matç yanvarın 11-də keçiriləcək və Bakı vaxtı ilə saat 23:45-də başlayacaq.