Dekabrın 12-də Qafqaz Müsəlmanları İdarəsinin sədri şeyxülislam Allahşükür Paşazadə, Azərbaycandakı dini konfessiyaların rəhbərləri və din xadimləri Fəxri xiyabanda müasir müstəqil Azərbaycan dövlətinin memarı və qurucusu, dünyaşöhrətli siyasi xadim, xalqımızın Ümummilli Lideri Heydər Əliyevin məzarını ziyarət ediblər.

“İki sahil” xəbər verir ki,  QMİ-nin mətbuat xidmətindən bildirilib ki, din xadimləri Ulu Öndərin əziz xatirəsini anaraq, Dahi Şəxsiyyətin ruhuna dualar oxuyub, məzarı üzərinə güllər düzüblər.

Ziyarət zamanı, həmçinin Ümummilli Lider Heydər Əliyevin ömür-gün yoldaşı, görkəmli oftalmoloq-alim, akademik Zərifə xanım Əliyevanın da xatirəsi ehtiramla yad edilib, məzarı üstünə tər çiçəklər qoyulub.