Arıqlamaq və ya pəhriz saxlamaqla sağlam həyat tərzi sürmək həmişə həyat tərzinin əsaslı dəyişikliyini tələb etmir. Aşağıdakı sadə məsləhətlər həyatınızı tamamilə dəyişdirmədən özünüzün daha sağlam bir versiyanıza çevrilməyinizə kömək edəcək.

Səhər yeməyində limonlu su

Bəzi insanlar bunun maddələr mübadiləsini gücləndirdiyini iddia edirlər, digərləri bunun yağ yandırmasını təşviq etdiyini söyləyirlər. Mütəxəssislər bu iddialardan kənarda olsa da, limon suyu arıqlamaq və çəkini saxlamaq üçün əla vasitədir. Limonlu su arıqlamaq üçün sübut edilmiş bir kömək olmasa da, H2O-nu əldə etməyin dadlı bir yoludur və nəmləndirmə aclığın qarşısını almaq üçün açardır. Üstəlik, bir stəkan ilıq və ya isti limonlu su günə başlamaq üçün təmiz bir yoldur.

Yeməklər arasında qəlyanaltı

Özünüzü səhər yeməyi, nahar və şam yeməyi ilə məhdudlaşdırmaq bütün gün ərzində kefsiz olmağınıza səbəbb ola bilər. Bir çoxumuz gün ərzində mütləq nə isə qəlyanaltı axtarırıq. Sağlam qəlyanaltıları iş yerinizdə soyuducuda, iş masasının siyirməsində və s. saxlayın. Yeməklər arasında özünüzü tox hiss etmək üçün zülallı, lifli və ya tərkibində hər ikisi olan qidaları seçin. Bu halda yemək vaxtı gələndə güclü aclıq hiss etməyəcəksiniz, ona görə də çox güman ki, daha az yeyəcəksiniz. Bu, xüsusilə çöldə yemək yeyərkən daha faydalıdır.

Qidalanma etiketlərini oxuyun!

Əlbəttə ki, kalorilərin sayına çox adam nəzər salır, bəs porsiya ölçüsü necə? Bir çox insan bu hissələrə göz yumur, lakin buna diqqət yetirmək saysız-hesabsız lazımsız kalorilərdən xilas edə bilər. Çünki bir çox yeməklər və içkilər tək porsiyaya bənzəyir, lakin əslində iki-üç porsiya və iki-üç dəfə çox kalori ehtiva edir.  Səbətinizə bir şey atmazdan əvvəl həmişə etiketləri müqayisə edin!

Yeməkdən sonra ağız yumaq

Dişlərinizi fırçaladıqdan dərhal sonra yeməklərin çoxunun ağızda necə acı dad aldığını bilirsiniz. Bu kiçik hiylə yersiz yemənin qarşısını almaq üçün fantastik bir yoldur və təravətli nəfəs əlavə bir bonusdur. Özünüzlə səyahət ölçüsündə ağız qarqarası, şəkərsiz nanəli saqqız və ya bir çimdik nanə götürməyiniz kifayətdir.

İşə naharı evdən gətirin!

Naharınızı vaxtından əvvəl qablaşdırmaq, pəhriziniz üçün edə biləcəyiniz ən yaxşı şeylərdən biridir. Bu, fəstfud, hazır qidalar, bişintilər kimi yemək seçimlərindən qaçınmaq üçün əla bir yoldur.

“Kaloriləri” içməyin!

Qazlı su, şirə, şirinləşdirilmiş qəhvə, çay içkiləri və ya smuzilər bir növ zərərsiz görünə bilər, lakin bu şəkərli içkilərin kaloriləri həqiqətən artıqdır. Bu, suyun yeganə seçiminiz olduğu demək deyil. Sıfır kalorili içkilər və ya təbii şirinləşdirilmiş seçimlər var. Onlara üstünlük vermək daha yaxşı olar.

Nubar Süleymanova, “İki sahil”