Rusiya prezidenti Vladimir Putin bildirib ki, Rusiya hazırda çoxlu sayda qlobal problemlərlə üzləşir, lakin biz insanları unutmaq olmaz.

“İki sahil” RT-yə istinadla xəbər verir ki, bu barədə o, Xakasiya rəhbəri Valentin Konovalovla görüşdə bildirib.

“Bizim bir çox qlobal problemimiz var, lakin bu qlobalizmin arxasında biz heç bir halda insanların həyatının kiçik görünən təfərrüatlarını unutmamalıyıq.” - deyə, Putin bildirib.

Bununla bağlı o, ümid etdiyini bildirib ki, Xakasiya və Rusiyanın digər vilayətlərinin hakimiyyət orqanları insanların həyatı üçün aktual olan məsələləri unutmayacaqlar.

Konovalov Putinlə respublikada milli layihələrin həyata keçirilməsini və Xakasiyadakı sosial-iqtisadi vəziyyəti də müzakirə edib. Onun sözlərinə görə, Xakasiya keçən il mənzillərin istifadəyə verilməsi üzrə regionun tarixində rekord həddə çatıb. Bundan əlavə, respublika rəhbəri Xakasiyada işsizliyin rekord səviyyədə aşağı olduğunu qeyd edib.