SOCAR-ın Bakı Ali Neft Məktəbinin Kimya mühəndisliyi ixtisasının IV kurs tələbəsi Cəvahir Yusifzadə, II kurs tələbəsi Zərifə Əsədullayeva və Biznesin idarə edilməsi ixtisasının II kurs tələbəsi Solmaz Mahmudova “Baku Investment Day”də “CleanTech” kateqoriyasında özünü bərpa edən sement layihəsi ilə qalib olub.

Bakı Ali Neft Məktəbindən “İki sahil”ə verilən məlumata görə, layihənin rəhbəri Ali Məktəbin Kimya mühəndisliyi kafedrasının istehsalat təlimi ustası Fidan Qədimalıyevadır.

Qalib komanda 100 min ABŞ dolları məbləğində pul mükafatına layiq görülüb.