Qara istiot demək olar ki, hər mətbəxdə tapılan əsas ədviyyatdır. Yeməyə ətirli bir dad və zəriflik toxunuşu verir. Ancaq istiotun üstünlüyü bunlar deyil. Qara istiot, həmçinin gündəlik problemlərin öhdəsindən gəlməyə kömək edə biləcək çox faydalı bir məhsuldur.

Aşağıda sizi təəccübləndirəcək üsulları ilə tanış ola bilərsiniz:

Qarışqaları evdən uzaq tutun

Kiçik zərərvericilərdən əziyyət çəkirsiniz? Bir az qara istiotla yaşayış yerinizdən asanlıqla uzaqlaşdıra bilərsiniz. Ədviyyatı qarışqaların toplaşdığı yerlərə səpin (yaxşısı, keçə bilməyəcəkləri bir maneə yaratmaq üçün uzun bir xətt çəkin) və onun kəskin ətrinin təsirini gözləyin - həşəratlar buna qətiyyən dözə bilmirlər.

Sevdiyiniz paltarların rənglərini parlaq saxlayın

Təcrübəli evdar qadınlar rəngli əşyaları yuyarkən çox vaxt birbaşa paltaryuyan maşının barabanına 1 çay qaşığı qara istiot əlavə edir və sonra soyuq su dövrəsini işə salırlar. İstiot bu vəziyyətdə paltarların rənglərini daha dolğun edən təbii bir məhsul kimi işləyir.

Zərərvericilərlə mübarizə aparın

Artıq bağ zərərvericiləri üçün kimyəvi maddələr almağa və bitkilərinizi onlarla zəhərləməyə ehtiyac yoxdur. Evdə daha təhlükəsiz, ekoloji cəhətdən təmiz və heç də az təsirli olmayan bir məhsulunuz var - artıq təxmin etdiyiniz kimi, bu, qara istiotdur.

Həyətinizdəki çiçəklərin və kolların ətrafına səpin və zərərvericilərin bitkilərin gövdələrini və yarpaqlarını çeynədiyindən narahat olmayın.

Qanaxmanı dayandırın

Bu, həqiqətən işləyir! Əgər barmağınızı kəsmisinizsə, hidrogen peroksidlə yarnı işlədikdən sonra bir az qara istiot səpməyə çalışın. Bir az yandıracaq, amma dözmək mümkündür. Qara istiot qanın laxtalanmasını sürətləndirir və onun antibakterial xüsusiyyətləri infeksiyaların qarşısını almağa kömək edir.

Ancaq onu bilmək vacibdir ki, dərin kəsiklər üçün bu üsuldan istifadə təhlükəli ola bilər.

Soyuqdəymənin qarşısını alır

İstiot soyuqdəymələri müalicə etməyə kömək edən bir çox faydalı xüsusiyyətə malikdir. Tərkibində xəstəliyin inkişafına kömək edən sərbəst radikallarla mübarizə aparan antioksidantlar var, həmçinin tərləməni stimullaşdırır, bu da bədən istiliyini aşağı salmağa və bədəndən toksinləri çıxarmağa kömək edir.

Sağalmanı sürətləndirmək üçün isti şorbaya bir az istiot əlavə edin.

Siqareti tərgitmək

Əgər uzun müddətdir ki, siqareti atmaq fikrindəsinizsə, lakin buna iradəniz yoxdursa, vaxtaşırı qara bibər yağının ətirini içinizə çəkməyə çalışın. Tədqiqatlar zamanı məlum olub ki, bu, siqaret çəkmə istəyini azaltmağa kömək edir.

Sızanaqdan qurtulun

Qara istiotun əsas xüsusiyyətlərindən biri onun kəskin dadını və ətrini verən maddə olan piperin ehtiva etməsidir. Lakin onun mahiyyəti təkcə bu deyil, piperin həm də iltihab əleyhinə xüsusiyyətlərə malik olması və sızanaqların əsas səbəblərindən biri olan dəri iltihabını azaltmağa qadir olmasıdır. İstiot ​​dərinin iltihabını azaltmağa, qan dövranını yaxşılaşdırmağa və sızanaq yaradan bakteriyalarla mübarizə aparmağa kömək edir.

Nubar Süleymanova, “İki sahil”