Qərbi Azərbaycan İcması Ermənistanda Azərbaycan irsinin qiymətləndirilməsi və digər bu kimi istiqamətlərdə UNESCO ilə əməkdaşlığa hazırdır.

“İki sahil” xəbər verir ki, bunu UNESCO üzrə Azərbaycan Respublikasının Milli Komissiyası, Beynəlxalq Türk Mədəniyyəti Təşkilatı (TÜRKSOY), ADA Universiteti və Universitetin İnkişaf və Diplomatiya İnstitutunun birgə təşkilatçılığı ilə TÜRKSOY-a üzv ölkələrin UNESCO üzrə Milli Komissiyalarının 9-cu İclasının açılış mərasimində çıxışı zamanı Qərbi Azərbaycan İcmasının Ağsaqqallar Şurasının sədri, Milli Məclisin deputatı Əhliman Əmiraslanov deyib.

"Biz sülh yolu ilə öz ata-baba yurdlarımıza qayıtmaq üçün İcma ilə birgə mübarizə aparırıq. Bununla yanaşı, bütün istiqamətlərdə mədəni hüququn qorunması, inkişafı da bizim əsas məqsədlərimizdir. Biz mədəni irsimizin qorunması və bərpasında UNESCO-ya etimad göstəririk", - deputat deyib.