Ermənistanın baş naziri Nikol Paşinyan MDB dövlət başçılarının Düşənbədə keçirilən iclası çərçivəsində Azərbaycan Prezidenti İlham Əliyevlə ayaqüstü görüşü haqqında danışmaqdan imtina edib.
Publika.az xəbər verir ki, Paşinyan Feysbuk səhifəsində bu barədə belə yazıb: “Mənimlə Azərbaycan Prezidenti İlham Əliyev arasında Düşənbədə danışıq oldu. Təfərrüatlar haqqında İrəvana qayıdanda danışacam”.
Qeyd edək ki, MDB dövlət başçılarının Düşənbədə keçirilən iclası çərçivəsində Azərbaycan Prezidenti İlham Əliyevlə Ermənistanın baş naziri Nikol Paşinyanın ayaqüstü söhbəti olub. Məlumata görə, MDB dövlət başçıları görüşdən öncə ümumi foto çəkdirib. Bundan sonra Azərbaycan lideri ilə erməni baş nazir videokameralar qarşısında qısa söhbət edib.
Fotoda Paşinyanın Azərbaycan lideri qarşısında sıxıldığı aydın görünür. Bu detal Ermənistan mediasının da gözündən yayınmayıb. Erməni mediası Paşinyanı zəiflikdə və təcrübəsizlikdə günahlandırıb.
