ABŞ Prezidenti Donald Trump bəyan edib ki, Tehranla aparılan danışıqlar uğursuz nəticələnərsə, Vaşinqton İran ərazisində xüsusi təyinatlı qüvvələrin əməliyyatını həyata keçirə və ölkənin limanlarına qarşı tətbiq olunan blokadanı davam etdirə bilər.

“İki sahil” xəbər verir ki,  Amerika lideri bu barədə "Financial Times" qəzetinə müsahibəsində danışıb.

Trampın sözlərinə görə, vəziyyətin inkişafı üçün iki əsas ssenari mövcuddur: “İki variant var. Birincisi, bu o deməkdir ki, biz, yəqin ki, İran ərazisinə daxil olacaq və hərbi qüvvələrimizin indiyədək tam başa çatdırmadığı məsələləri həll edəcəyik. Digər variant isə İranın blokadasını saxlamaqdır. Mən hesab edirəm ki, blokada İrana qarşı indiyədək həyata keçirilmiş bir çox hücumlardan daha təsirli vasitədir”, – deyə ABŞ prezidenti bildirib.

Tramp, eyni zamanda, vurğulayıb ki, Vaşinqton və Tehran arasında mümkün razılaşma ilə bağlı danışıqlar davam edir və ABŞ administrasiyası hazırda bu prosesin perspektivlərini qiymətləndirir.

Regionda gərginlik son günlər daha da artıb. İyunun 7-də Iran İsrailin Livandakı əməliyyatlarından sonra Israel ərazisinə raket zərbələri endirib. İsrail Müdafiə Ordusunun məlumatına görə, atılan raketlərin hamısı hava hücumundan müdafiə sistemləri tərəfindən məhv edilib.

Bundan sonra İsrail Hərbi Hava Qüvvələri İranın qərb və mərkəzi bölgələrində yerləşən hərbi obyektlərə zərbələr endirib. İran isə cavab olaraq İsrail istiqamətində ballistik raketlər buraxıb.