Ağdam rayonunun Ergi qəsəbəsindən olan fermer, buğda sahəsinə dolu yağması nəticəsində dəymiş zərərə görə böyük sığorta ödənişi alıb.
“İki sahil” xəbər verir ki, qəsəbə sakini Aybəniz Şirinova 2025-ci ildə 61 hektar buğda sahəsini sığortalayıb və bunun üçün 2 034 manat sığorta haqqı ödəyib.
2025-ci ilin may ayının 11-də baş verən dolu hadisəsi onun da əkin sahəsinə zərər vurub. Aparılmış zərər qiymətləndirməsi nəticəsində əkin sahəsində məhsulun 39%-nin itirilməsi qeydə alınıb. Zərər hesablaması nəticəsində fermerə 24 702 manat məbləğində sığorta ödənişi edilib.
Aqrar Sığorta Fondu fermerləri öz təsərrüfatlarını qorumağa və vaxtında sığorta etməyə çağırır.
