Kaliforniya ştatı və qubernator Qevin Nyusom etirazları yatırmaq üçün Los-Ancelesə Milli Qvardiyanın göndərilməsi qərarının ştat konstitusiyasını pozduğunu əsas gətirərək ABŞ prezidenti Donald Tramp, Pentaqon və müdafiə naziri Pit Heqsetə qarşı iddia qaldırıb.

“İki sahil” xəbər verir ki, bu barədə Kaliforniya ştatının qubernatoru Qevin Nyusom “X” sosial hesabında yazıb.

“Təsisçilər Konstitusiyamızda bu prinsipləri təsbit etdilər - hökumət öz xalqı qarşısında cavabdeh olmalı, hərbi deyil, qanunun aliliyini və mülki hakimiyyəti rəhbər tutmalıdır”, - deyə o qeyd edib.

Kaliforniya rəsmilərinin San-Fransisko Federal Dairə Məhkəməsinə təqdim etdiyi şikayətdə (.pdf) Ağ Evin Milli Qvardiyanın səfərbər edilməsi qərarının ştatın suverenliyini pozduğu bildirilib. Donald Trampın tətbiq etdiyi qoşunların yerləşdirilməsi haqqında qanun qiyam zamanı istifadə oluna bilər.