Son aylarda ərzaq və əsas ehtiyac mallarının kəskin çatışmazlığı ilə üzləşən Qəzza zolağına humanitar yardım daşıyan təxminən 900 yük maşını çatıb.

“İki sahil” xəbər verir ki, bu barədə Qətərin "Al Jazeera" telekanalı BMT-nin Humanitar Məsələlərin Əlaqələndirilməsi İdarəsinin (OCHA) hesabatına istinadən məlumat yayıb.

"İsrailin blokadası götürüldükdən sonra müharibədən dağılmış əraziyə yardımların axını zamanı Qəzzaya humanitar yardım daşıyan təxminən 900 yük maşını çatıb", - telekanalda qeyd olunub.

İki həftə əvvəl OCHA xəbərdarlıq etmişdi ki, Fələstin anklavına girişə ciddi məhdudiyyətlər səbəbindən Qəzza sektorunda aclıq böhranı dərinləşməkdə davam edir. Bölgədə ərzaq təchizatının kəskin çatışmazlığı yaşanır.

Qeyd edək ki, buna səbəb İsrailin anklavın şimal hissəsini blokadaya alması olub.