Tarixən kiməsə yarınmaq, imkan düşən kimi öz ağasına belə asi olmağı özlərinin həyata devizinə çevirmiş ermənilər onlara verilən tarixi vürsəti yenə əldən verdilər. 2020- ci ilin 10 noyabrında imzalanmış üçtərəfli Bəyanatın müddəalarından biri də Ermənistan silahlı qüvvələrinin Azərbaycan ərazisindən çıxarılması, orada yaşayan Qarabağın erməni əhalisinin reinteqrasiya məsələsi daim bu üç il ərzində Azərbaycan tərəfinin gündəmində olmuşdur və bununla bağlı dəfələrlə Ermənistan tərəfinə təkliflər verilmişdir. Ancaq nə fayda ki, “Dəmir yumuruğ”un dadını yenidən dadmaq istəyən separatçı rejim 19 sentyabr 2023-cü il tarixində 23 saat 43 dəqiqəlik antiterror tədbiri qarşısında aciz qalaraq, ağ bayraq qaldıraraq Azərbaycanın təkliflərini qəbul etdilər. Bu tədbirlərin aparılmasına qarşı çıxan qatı ermənipərəst mövqeyi ilə çıxış edən nə Fransa, nə də ki, Qərbin bir sıra dairələri Prezident İlham Əliyevin Strateqliyi qarşısında mat qaldılar.
Son bir neçə ayda Azərbaycanın Qarabağ bölgəsindəki Ermənistan silahlı qüvvələrinin birləşmələri tərəfindən Azərbaycan Ordusunun mövqelərinin müxtəlif çaplı silahlardan sistemli şəkildə atəşə tutulması , ərazilərimizin minalanmasının davam etdirilməsi, döyüş mövqelərinin mühəndis istehkam tədbirlərinin təkmilləşdirilməsi , eləcə də səngər və sığınacaqların sayının artırılması gərginliyin artmasına səbəb olmuşdur. Sentyabrın 19-da Ermənistan silahlı qüvvələrinin Azərbaycanın Qarabağ bölgəsində yerləşən birləşmələrinin kəşfiyyat –diversiya qrupları tərəfindən Əhmədbəyli-Füzuli-Şuşa avtomobil yolunda terror məqsədilə əvvəlcədən quraşdırılmış minanın partlaması nəticəsində Azərbaycan Avtomobil Yolları Dövlət Agentliyinə məxsus nəqliyyat vasitəsi sıradan çıxmış və mülki şəxslər həlak olmuşdur. Həmin gün Daxili İşlər Nazirliyinin Daxili Qoşunlarının hərbi qulluqçularını daşıyan nəqliyyat vasitəsinin də Ermənistan silahlı qüvvələrinin kəşfiyyat-diversiya qrupları tərəfindən quraşdırılmış minaya düşməsi nəticəsində hərbi qulluqçularımız həlak olmuş və yaralanmışdır. 10 noyabr 2020- ci ildə imzalanmış üçtərəfli bəyanatın müddəalarına zidd olaraq Azərbaycanın Qarabağ bölgəsindəki Ermənistan silahlı qüvvələrinin birləşmələrinin mövcudluğunu davam etdirməsi regional sülh və sabitlik üçün ciddi təhlükə mənbəyidir. Odur ki, üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması məqsədilə, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması , onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının Konstitusiya quruluşunun bərpa edilməsi məqsədilə bölgədə lokal xarakterli antiterror tədbirləri aparılmışdır. Antiterror tədbirləri çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqliklə sıradan çıxarılmışdır.
İstənilən tapşırığı yerinə yetirməyi qarşısına məqsəd qoymuş Azərbaycan Ordusu bu sınaqdan da üzüağ çıxdı. Ali Baş Komandan İlham Əliyevin tapşırıqlarının qüsursuz və qalibiyyətlə yerinə yetirilməsi xalqımızın orduya və Ali Baş Komandana etimad və etibarını bir daha möhkəmləndirmiş oldu.
Bəli, cənab Prezident İlham Əliyev həqiqətən xalqın sevgisinə layiq bir şəxsiyyətdir. Elə bir şəxsiyyətdir ki, bu gün onun mahir diplomat olmasını nəinki xalqımız, dünyanın bir çox nüfuzlu şəxsləri, dövlət başçıları, siyasi xadimlər, beynəlxalq siyasi və iqtisadi sahədə fəaliyyət göstərən ekspertlər onun peşəkar diplomat, fenomen şəxsiyyət, müdrik rəhbər olmasını şəksiz qəbul edirlər. Budur cənab İlham Əliyevin Zəfər dastanı...
Mürvət İbrahimov,
Bakı şəhəri Nizami Rayon İcra Hakimiyyətinin məsul işçisi, tarixçi
