Rusiya Premyer Liqasında 21-ci turun oyunları keçirilir.
“İki sahil” xəbər verir ki, “Qarabağ”ın sabiq futbolçusu Kadi Borgesin çıxış etdiyi “Krasnodar” səfərdə autsayder "Ximki" ilə qarşılaşıb. Qonaqlar rəqibinə 6:0 hesabı ilə qalib gəlib.
Kadi 46-cı dəqiqədə meydana çıxıb. Braziliyalı yarımmüdafiəçinin oyuna girməsindən sonra komandası 5 qol vurub.
Krasnodarlıların 4-cü qolunun müəllifi isə Kadi olub. O, 63 dəqiqədə fərqlənib. Beləliklə, Kadi yeni komandasında meydana çıxdığı 4-cü oyunda 3-cü qolunu vurub.
Qeyd edək ki, "Krasnodar" 21 oyuna 32 xalla 8-ci pillədə qərarlaşıb.
