Yaponiya hökuməti ABŞ Prezidenti Donald Trampın Respublikaçılar Partiyasının aralıq seçkilərdəki məğlubiyyətindən sonra bu uğursuzluğun əvəzini çıxmaq üçün xarici siyasətdə kəskin mövqe tutacağından ehtiyat edir.

“İki sahil” xəbər verir ki, bu barədə "Asahi" qəzeti məlumat yayıb.

Qəzetin mənbələrinin bildirdiyinə görə, Yaponiya tərəfinin əsas narahatlığı seçkilərdəki məğlubiyyətdən sonra ABŞ administrasiyasının addımlarının daha da proqnozlaşdırılmaz ola biləcəyi ilə bağlıdır.

Qeyd olunur ki, daxili siyasi uğursuzluqdan sonra Trampın Konqres tərəfindən məhdudiyyətlərlə daha az qarşılaşdığı xarici siyasət sahəsinə diqqət ayıracağı ehtimalı var. "Əgər Konqres onun maraqlarına xidmət etməyi dayandırarsa, o, enerjisini başqa bir sahəyə — diplomatiya və təhlükəsizlik sahəsinə yönəldə bilər", — deyə nəşr Baş nazir Sanae Takaitinin dəftərxanasının nümayəndəsindən sitat gətirir.

Qeyd olunur ki, Tokio müdafiə xərclərinin artırılması məsələsində də Vaşinqtonun təzyiqindən ehtiyat edir.