Böyük Britaniyada quraqlıq səbəbindən meşə yanğınları riskinin artması səbəbindən İngiltərə və Uelsin bütün sakinlərinin mobil telefon nömrələrinə xəbərdarlıqlar göndərilib.

“İki sahil”in "Sky News"a istinadən məlumatına görə, xəbərdarlıqda hazırda ölkə daxilində meşə yanğınları riskinin çox yüksək olduğu bildirilir.

İngiltərə və Uels sakinləri yanğınlara səbəb ola biləcək hər hansı fəaliyyətlə məşğul olmamağa, o cümlədən birdəfəlik manqalların, yanğın qablarının, tullantıların yandırılması üçün bağ sobalarının və atəşfəşanlıqların istifadə edilməməsinə çağırılıb.

Böyük Britaniyanın Baş naziri Endi Börnhem "X" sosial media platformasında xəbərdarlıqların yanğın və xilasetmə xidmətlərinin tələbi ilə göndərildiyini açıqlayıb.

Telekanalın məlumatına görə, bu, Britaniya hakimiyyəti tərəfindən indiyə qədər verilən ən böyük xəbərdarlıqdır. Bu, 2026-cı ildə İngiltərə və Uelsdə rekord sayda meşə yanğını ilə əlaqədardır ki, artıq 2025-ci ilin göstəricilərini keçib. Qeyd edək ki, 1 017 yanğın hadisəsi qeydə alınıb.

Britaniya adalarında ilin əvvəlindən bəri təxminən 40 gündür ki, rekord həddə - 30 dərəcə və daha yüksək temperatur davam edir.

Təxminən 45 milyon əhalisi olan İngiltərənin təxminən dörddə üçü hazırda uzun müddət davam edən isti hava və demək olar, yağıntısızlıq səbəbindən quraqlıq şəraitində yaşayır.

İyul ayı İngiltərədə son 190 ildə ən quraq ay olub. Avqust ayında İngiltərə və Uelsdə aylıq orta göstəricinin 6 %-i qədər - cəmi 4 mm yağıntı düşüb.

Böyük Britaniyanın böyük hissəsində su məhdudiyyətləri qüvvədədir və on milyonlarla insana təsir göstərir.