Qətər hakimiyyəti Hörmüz boğazında gəmiçiliyin bərpası ilə bağlı Tehran və Məsqət arasında davam edən danışıqlar fonunda İran və Oman tərəfindən müsbət bəyanatların verildiyini qeydə alır.

“İki sahil” xəbər verir ki, bu barədə əmirliyin Xarici İşlər Nazirliyinin rəsmi nümayəndəsi Məcid bin Məhəmməd əl-Ənsari bildirib.

"Son iki gündə biz hər iki paytaxtdan müsbət bəyanatlar eşitdik və [nəticələri] səbirsizliklə gözləyirik", — deyə o, brifinqdə bildirib.

Eyni zamanda, diplomat əlavə edib ki, Qətər sazişin əldə olunmasında ləngimələrin olmasını istəmir və beynəlxalq hüquqa uyğun olaraq Hörmüz boğazında azad gəmiçiliyin dərhal bərpa olunmasının tərəfdarıdır.

Buna qədər Omanın xarici işlər idarəsi Hörmüz boğazında gəmiçilik mexanizmi ilə bağlı İranla danışıqların müsbət və konstruktiv atmosferdə keçdiyini bildirmişdi. İran xarici işlər naziri Abbas Əraqçı öz növbəsində tərəflərin boğazın idarə olunmasının hüquqi aspektləri və yeni hərəkət marşrutlarının müəyyənləşdirilməsi üzrə sazişin bağlanmasına yaxın olduqlarını bəyan edib.