Moskva və Sankt-Peterburqda mobil rabitə xidməti və internet kəsilib
“İki sahil” RT-yə istinadla xəbər verir ki, Rusiya prezidentinin mətbuat katibi Dmitri Peskov Moskva və Sankt-Peterburq şəhərlərində mobil rabitə və internetin kəsilməsi ilə bağlı açıqlama verib.
Onun sözlərinə görə, bu tədbirlər əsasən təhlükəsizliyin təmin edilməsi zərurəti ilə bağlıdır:
“Bütün bunlar, yəqin ki, əsasən təhlükəsizliyin təmin edilməsi üçün edilir”, - deyə Peskov bildirib.
Bundan əvvəl xəbər verilmişdi ki, bəzi Moskva rayonlarının sakinləri mobil rabitə və internetin işləməməsi ilə bağlı şikayətlər ediblər.
