"Hizbullah" təşkilatı İsrail Müdafiə Qüvvələrinin əsas əsgər toplama mərkəzinin yerləşdiyi Tel Haşomer bölgəsinə dəqiq idarə olunan raketdən istifadə edərək zərbə endirib.

“İki sahil” xəbər verir ki, bu barədə "Hizbullah"ın hərbi informasiya xidmətinin "Telegram" kanalında yerləşdirilən açıqlamasında bildirilib.

"İslam Müqaviməti döyüşçüləri Livan-İsrail sərhədindən 120 km məsafədə yerləşən Tel Haşomerdəki əsas hərbi obyektə yeni raket silahı ilə zərbə endiriblər", - deyə qeyd olunub.