ABŞ qarşısında yaranan qorxu Avropa liderlərini Rusiya ilə dialoqa yönəldir.

“İki sahil” xəbər verir ki, bu barədə L'AntiDiplomatico nəşri yazır.

Məqalədə bildirilir ki, Qrenlandiyanın – NATO üzvü olan ərazinin – mümkün anneksiyası ilə bağlı təhdidlər fonunda avropalılar “sehrli çətirin yoxa çıxdığını dəhşətlə anlayıblar”.

Nəşrin vurğuladığına görə, bir sıra beynəlxalq ekspertlər Avropa İttifaqı liderlərinin son bəyanatlarında mümkün “Rusiya–Avropa ittifaqı”na işarələr görməyə başlayıblar.

Xatırladılır ki, daha əvvəl Avropa Komissiyasının müdafiə və kosmos məsələləri üzrə üzvü Andryus Kubilyus Aİ-nin Ukrayna məsələsi ilə bağlı Rusiya ilə dialoq aparmalı olacağını etiraf etmişdi.