ABŞ İranla danışıqlarda İslam Respublikasının nüvə proqramının müzakirəsinə qayıtmaq istəyir.

“İki sahil” xəbər verir ki, bu barədə CNN məlumat yayıb.

Məlumata görə, ABŞ Prezidenti Donald Tramp administrasiyasının rəsmiləri Fars körfəzi ölkələrinin nümayəndələri ilə şəxsi söhbətlərində bildiriblər ki, Vaşinqton "hər hansı gələcək danışıqların diqqətini (Hörmüz) boğazı vasitəsilə gəmiçiliyin bərpası əvəzinə Tehranın nüvə proqramına yönəltmək" istərdi.

Öz növbəsində, İran nümayəndələri regional oyunçulara başa salıblar ki, Tehran yalnız Hörmüz boğazı ilə bağlı məsələ tənzimləndikdən, o cümlədən İslam Respublikasının dəniz limanlarından Amerika blokadası götürüldükdən sonra nüvə proqramının müzakirəsi üçün açıq olacaq.