Ukraynanın Avropa İttifaqına (Aİ) daxil olması üçün son tarix 2030-cu il yanvarın 1-nə təyin edilməlidir və danışıqlar klasterləri mümkün qədər tez açılmalıdır.

“İki sahil” xəbər verir ki, bunu Litvanın xarici işlər naziri Kestutis Budris Kopenhagendə (Danimarka) Aİ xarici işlər nazirlərinin qeyri-rəsmi görüşündən əvvəl jurnalistlərə deyib.

"Biz Ukraynanı ərazi bütövlüyü ilə bağlı dəstəkləməliyik. Heç kimin onu şübhə altına almağa haqqı yoxdur, çünki bu, beynəlxalq hüquqa əsaslanıb. Litva heç vaxt Ukrayna ərazisinin de-yure və ya de-fakto işğalını tanımayacaq və Ukrayna tək qalmamalıdır".

Onun sözlərinə görə, İttifaqa üzvlük Ukrayna üçün təhlükəsizlik təminatlarından biridir: "Aİ-yə üzvlük Ukrayna üçün təhlükəsizlik təminatlarından biridir. Və biz sürətlə hərəkət etməliyik. Mən həqiqətən nikbinəm və gözləyirəm ki, 1-ci klaster (Aİ-yə üzvlük danışıqları) çox yaxında açılacaq, sonra isə Danimarkanın sədrliyi dövründə danışıqlar üçün bütün digər klasterlər açılacaq. Biz vaxt itirə bilmərik. Ukraynanın Avropa İttifaqına tamhüquqlu üzv olması üçün bizim üçün son tarix 1 yanvar 2030-cu il olmalıdır".

Xatırladaq ki, Macarıstan Ukraynanın Aİ-yə daxil olması ilə bağlı danışıqlar klasterlərinin açılmasına mane olmaqda davam edir.

Məhərrəm Ağalaroğlu, “İki sahil”