Çin ABŞ-ın müdafiə nazirləri arasında danışıqların keçirilməsi təklifini rədd edib və bu, Donald Trampın prezident seçilməsindən sonra iki ölkənin hərbi liderləri arasında ilk yüksək səviyyəli təmas ola bilərdi.

“İki sahil” xəbər verir ki, bu barədə "Nikkei Asia" məlumat yayıb.

TASS xəbər verir ki, Pekin münasibətlərin yaxşılaşdırılması üçün heç bir perspektiv görmür və Pentaqonun rəhbəri Pit Heqsetin sərt bəyanatlarına işarə edir. Xüsusilə Çin tərəfi onun “Çinin yaratdığı təhlükə realdır və qaçılmaz ola bilər” sözlərinə diqqət çəkib.