Basketbolun 3x3 növü üzrə qadınlardan ibarət Azərbaycan millisi Dünya Seriyasının Sumqayıt mərhələsində növbəti oyuna çıxıb.

“İki sahil” xəbər verir ki, yığma sonuncu qrup görüşündə Slovakiya seçməsinə 21:8 hesabı ilə qalib gəlib və qrup lideri kimi 1/4 finala vəsiqə qazanıb. Qeyd edək ki, millimiz 1/4 finalda Çin yığması ilə üz-üzə gələcək. Oyun iyulun 27-si saat 16:00-da start götürəcək.

***

Azərbaycanın qadınlardan ibarət 3x3 basketbol millisi Dünya Seriyasının Sumqayıt mərhələsinə qələbə ilə başlayıb.

“İki sahil” xəbər verir ki, Ratomir Deliçin baş məşqçisi olduğu komanda ilk qrup oyununda Çexiya ilə qarşılaşıb.

Görüş Azərbaycan millisinin 20:12 hesablı qələbəsi ilə başa çatıb.

Qeyd edək ki, yığma növbəti matçını bu gün Slovakiyaya qarşı keçirəcək. Oyun Bakı vaxtı ilə saat 20:35-də başlayacaq.