“Arsenal”ın baş məşqçisi Mikel Artetanın davranışları hakimlər üçün ciddi problem yaradır.

“İki sahil” xəbər verir ki, bunu İngiltərə Premyer Liqasının sabiq hakimi Qrem Skott “The Athletic”ə açıqlamasında bildirib.

"Komanda məğlub olanda hamı günahkar olur. Nə desəm də, insanlar bunu ona nifrət etdiyim kimi qəbul edəcəklər. Amma Arteta ilə işləmək həqiqətən çox çətindir. O, daim icazə verilən sərhədləri aşmağa çalışır.

Bunun səbəbini anlayıram. O, komandasının daha fəal oynamasını istəyir və bu, məşqçi kimi işinin bir hissəsidir. Ancaq davranışları bizim işimizi xeyli çətinləşdirir. Daim texniki zonanın sərhədlərini aşır. Dördüncü hakim üçün bu, əsl kabusdur. Ona edilən hər xəbərdarlığa mənfi reaksiya verir və çox vaxt cəzasız qalır. Hakimlər ona qarşı daha sərt olmalıdırlar".