ABŞ Prezidenti Donald Tramp bir çoxlarının ondan 2028-ci ildə yenidən dövlət başçısı vəzifəsinə namizədliyini irəli sürməyi xahiş etdiyini və bunun üzərində düşünəcəyini bildirib.
“İki sahil” xəbər verir ki, bu barədə TASS xəbər yayıb.
"Biz yenidən seçilmək istəyirik. Bir çox insan bunu etməyi məsləhət görür. Bu, çox çətin olsa da, üzərində düşünəcəyəm", - o, ABŞ-nin Qətərdəki Əl-Udeyd hərbi bazasında çıxışı zamanı bildirib.
ABŞ Konstitusiyasına 1951-ci ildə edilmiş 22-ci düzəlişə əsasən, eyni şəxs dövlət başçısı vəzifəsinə iki dəfədən çox seçilə bilməz. ABŞ-də növbəti prezident seçkiləri 2028-ci ildə keçiriləcək.
