Ermənistan sosial şəbəkələrində daha bir hərbi qulluqçunun ölümü barədə paylaşmalar yayılıb.

AZƏRTAC xəbər verir ki, ölən hərbi qulluqçunun yaxınlarının verdiyi məlumata görə, işğal olunmuş Xocavənd rayonunda yerləşən Ermənistan ordusunun bölmələrindən birində sentyabrın 2-də müəmmalı şəraitdə ağır yaralanan, Kanakerdən olan hərbi qulluqçu Qvidov Petrosyan hərbi tibb məntəqəsinə gecikdirildiyindən dünyasını dəyişib.

Hərbçinin valideynlərini qəzəbləndirən isə istintaq sirri olması bəhanəsi ilə Q.Petrosyanın hansı şəraitdə, nə səbəbdən öldüyü, yaxud öldürüldüyü barədə onlara heç bir xəbərin verilməməsidir.