Bu gün Misli Premyer Liqasında 34-cü tura yekun vurulacaq. 

“İki sahil” xəbər verir ki, son oyun günündə 2 matç keçiriləcək. 

Əvvəlcə 29 xalla 9-cu pillədəki “Kəpəz” Tovuzda 30 xala malik və 8-ci yerdə olan “Sumqayıt”ı qəbul edəcək. 

Cari mövsüm bu komandaların oyunlarında “Sumqayıt”ın üstünlüyü var. 2 matçda qalib gələn “gənclik şəhəri”nin təmsilçisi digər matçda da heç-heçəyə nail olub.

Turun son matçında isə artıq çemponluğu təmin edən “Qarabağ” üçüncü pillədəki “Araz-Naxçıvan”ı sınağa çəkəcək. 

Naxçıvan klubu bu matçda 1 xal qazansa, bürünc medalları təmin edəcək. Lakin statistika Elmar Baxşıyevin komandasının əleyhinədir. “Araz-Naxçıvan” cari mövsümdə çempionatda hər 3 görüşdə “Qarabağ”a uduzub. 

11 may (bazar)

18:00. “Kəpəz” - “Sumqayıt”
Hakimlər: İnqilab Məmmədov, Namiq Hüseynov, Rahil Ramazanov, Kamran Əliyev
VAR: Elçin Məsiyev
AVAR: Pərvin Talıbov
Tovuz şəhər stadionu

20:00. “Qarabağ” - “Araz-Naxçıvan”
Hakimlər: Əliyar Ağayev, Zeynal Zeynalov, Akif Əmirəli, Əli Əliyev
VAR: Rauf Cabarov
AVAR: Rəhman İmami
“Azersun Arena”