Bu gün Dövlət İmtahan Mərkəzi (DİM) ölkənin digər bölgələrində olduğu kimi, Naxçıvan Muxtar Respublikasının da bütün ümumi təhsil müəssisələrinin 11-ci sinfini bitirən şagirdləri üçün buraxılış imtahanı keçirib.

Muxtar respublikanın Təhsil Nazirliyinin mətbuat xidmətindən “İki sahil”ə bildirilib ki, imtahan Naxçıvanın bütün bölgələrini əhatə etməklə 17 binada keçirilib. İmtahan saat 11:00-da başlanıb və 3 saat davam edib.

İmtahanda ümumilikdə 3 min 978 abituriyent iştirak edib. İmtahanın idarə olunmasına 52 imtahan rəhbəri, 407 nəzarətçi cəlb olunub.