İndoneziya hökuməti 2028-ci ilə qədər xam neft hasilatını sutkada 0,9-1 milyon barrel səviyyəsinə çatdırmağı və onilliklər boyu davam edən azalmanı geri qaytarmağı hədəfləyir. Hazırda ölkə daxili tələbatı ödəmək üçün gündəlik hasilat təxminən 0,6 milyon barrel, gündəlik idxal isə 1 milyon barrel ətrafındadır. Bu hədəf enerji təhlükəsizliyini təmin etmək və dövlətin neft hasilatını sonuncu dəfə İndoneziyanın OPEC-in başlıca üzvü olduğu vaxtlara- 1990-cı illərə qaytarmaq üçün planlaşdırılmış geniş strategiyanın bir hissəsidir.

Bu səylərin əhəmiyyətli bir hissəsi cəmi 40 mindən çox quyu olmaqla, boş neft quyularının yenidən işə salınmasını əhatə edir. Hökumət, həmçinin yerli yanacaq tədarükünü gücləndirmək üçün proqnozlaşdırılan xam neft ixracının təxminən yarısını (28 milyard barrel) yerli neftayırma zavodlarına yönləndirməyi planlaşdırır. İndoneziyanın neft emalı zavodları daha geniş çeşiddə, o cümlədən aşağı keyfiyyətli neft emal etmək üçün təkmilləşdirilir və yeni emal zavodları tikilir. Bu dəyişiklik neft idxalından asılılığı azaltmaq və yerli istehsalı artırmaq məqsədi daşıyır.

Nubar Süleymanova, “İki sahil”