“Azad Azərbaycan” teleradio şirkətində xeyli vaxtdır ki, çox maraqlı layihə həyata keçirilir. Şirkətin inzibati binasında yaradılan qalereyada rəsm əsərlərinin nümayişi artıq ənənə şəklini alıb. Bu xeyirxah işin təşkilində yüksək peşə­kar­lıq və məntiqi ardıcıllıq nəzərə çarpır. “ATV Qalereya”nın  Rəssamlıq Akade­mi­yası, Rəssamlar İttifaqı və digər əlaqədar qurumlarla əməkdaşlıq öz bəhrəsini verir. “Azad Azərbaycan” teleradio şirkətinin xeyirxah təşəbbüsü ictimaiyyət tərəfindən böyük rəğ­bətlə qar­şılanır. Sərgi barədə  kütləvi infor­ma­siya vasitələrində müx­təlif səpkili yazılar mütəmadi dərc olunur. “ATV Qalereya”nı digər sərgi salonlarından fəqləndirən televiziyanın geniş imkanlarından bacarıqla istifadə etmə imkanıdır. Bir ay müddətində həmin əsərlər ayrı-aırı verilişlərdə, süjetlərdə, eləcə də ATV-nin saytında geniş tamaşaçı ayditoriyasına təqdim olunur.  Diqqətçəkən bir məqam da Qalereyada müəlliflə  sənətşünasların, tələbələrin görüşü, əsərlərin  müzakirəsinin keçirilməsidir.

Bu günlərdə ATV Qalereya”da əməkdar rəssam Əşrəf Heybətin əsərlərindən ibarət maraqlı sərgi açılıb. O, 1951-ci ildə Bakıda anadan olub. Uşaqlıq və gənclik illəri İşərişəhərdə keçib. Peşəkar rəssamın əsərləri müxtəlif ölkələrdə nümayiş etdirilib. Onun yaraıcılığı haqqında tanın­mış sənətşünaslar, elm, mədəniyyət xadimləri, siyasətçilər qiymətli fikirlər səsləndirib. Rəngkarlığın müxtəlif janrlarında fərqli mövzularda yaratdığı əsərlərlə  Əşrəf sayıb-seçilən sənətkar kimmi şöhrət qazanıb. O, daim öz üzərində çalışmaqla püxtələşən  ziyalıdır.  Neçə illərdir Almaniyada yaşayan həmyerimiz  məhsuldar yaradıcılıq fəaliyyəti ilə yanaşı, Avropada keçirilən diaspor tədbirlərində yaxından  iştirak  edir.  Bu sahədə səmərəli fəa­liy­yətinə  görə “Tərəqqi” medalına layiq görülüb.

Qarşıdan gələn Dünya Azərbaycanlılarının Həmrəylik günü ərəfəsində Əşrəf Heybətin ATV-də fərdi sərgisində nümayiş olunan əsərlərinin sayı kifayət qədər çox olsa da, mövzu baxımından  onlar  çərçivə­lənib. Tematik xarakter daşıyan sərgi “Qədim Bakı” adlanır. Nümayiş olunan kolleksiyaya rəssamın ürəyində heç vaxt sönməyən İçərişəhər sevdasını əsk edən lövhələr daxildir. O, bilərəkdən əsərlərini “köhnə” deyil, “qədim” Bakı adı ilə tamaçılara təqdim edir. Bu, Əşrəfin qəl­bin­də heç vaxt köhnəlməyən,  ilkin təravətini hər zaman qoruyub-saxlayan əsərlərinin ən böyük ilham mən­bəyi olan Azərbaycan məhəbbətindən qaynaqlanan istəkdir, sevgidir, məhəbbətdir. Ona görə rəssamın  bəzi lövhələri  tutqun, boz, hətta qara rənglərlə işlənsələr də bütövlükdə işıqlıdr. Sərgilənən əsərlərin öz sıcaq nəfəsi, xoş ab-havası vardır. Rəssamın məharəti də elə bundadır. Sərgidə xüsusi diqqətçəkən əsərlərdən biri  “Bakıda Novruz” adlanır. Bir neçə əsəri vahid mövzuda birləşdirən kompazisiyanın dörd parçadan ibarət olması təsadüf deyildir. Bu, rəssamın həyat fəlsəfəsindən qaynaqlanan rəmzdir. Ənənə və mərasimlərin nəsillər ara­sında bağlılığın həm nişanəsi, həm də nümunəsidir. Təbiətin oyanış, dörd fəslin doğuş səhnəsidir. “ATV Qalereya” da ekspozisiyanın bu əsərlə başlaması məncə təsadüfi deyil. Adı çəkilən poetik lövhə Yeni il qovşağı əsəfəsində tamaşaçını düşündürür, hər kəsi, sözün əsl mənasında, həqiqi vətənpərvər olmağa səfərbər edir.  Gəlimli-gedimli dünyada hamını,  bir növ öz-özünə hesabat verməyə çağırır:  görən bu dünyaya niyə gəldik, nələr etdik?  Ol-obaya bizdən yadigar qalan nə olacaq? Əşrəh Heybətin sərgisi tamaşaçıya zövq verməklə yanaşı, bir qədər də  bu barədə  düşündürür.

Aygün Ramizqızı