Bu gün Azərbaycan kubokunda 2023/2024 mövsümünün final oyunu keçirilib.

“İki sahil” xəbər verir ki, ​mövsümün son oyununda Misli Premyer Liqasının qalibi olan "Qarabağ" çempionatın 2-cisi "Zirə" ilə yarışıb.

Saat 20:00-da start götürən qarşılaşmanın 42-ci dəqiqəsində Olavio Juninyonun qolu sayəsində "Qarabağ" hesabı açıb.

57-ci dəqiqədə İsmayıl İbrahimli bakılıların bərabərlik qolunu vursa da 62-ci dəqiqədə Abdullah Zubir ağdamlıların növbəti dəfə üstünlüyünü təmin edib.

Bununla da Azərbaycan kubokunun final yarışında qalib gələn "Qarabağ" tarixində 8-ci dəfə kuboku başı üzərinə qaldırıb.

Qeyd edək ki, "Zirə" bu titulu heç vaxt qazanmayıb.

Xatırladaq ki, final görüşündən əvvəl - saat 19:00-da konsert proqramı olub. Konsert proqramında xalq artisti Aygün Kazımova çıxış edib.

Azərbaycan kuboku,

Final

2 iyun

20:00. "Qarabağ" 2-1 "Zirə"

Qollar: Olavio Juninyo, 42 (1-0), İsmayıl İbrahimli, 57 (1-1), Abdullah Zubir, 62 (2-1)

Hakimlər: Rəvan Həmzəzadə, Namiq Hüseynov, Müslüm Əliyev, Kamal Umudlu

"Liv Bona Dea Arena"

Məhərrəm Ağalaroğlu, “İki sahil”