Çox sayda dondurma üsulları var. Bunların sayəsində insanlar tərəvəz, meyvə və digər məhsulları uzun müddət saxlamaq imkanı əldə edirlər. Yemək donmuş vəziyyətdə uzun müddət xarab olmur, bu da çox rahatdır. Alimlər çoxdan sübut ediblər ki, dondurulmuş qidalar təzə olanlardan heç də az faydalı deyil. Onların faydalılığına heç bir şübhə yoxdur.

İlk dəfə qida 1920-ci illərdə dondurulmuşdur.

Klarens Berdsay 100 il əvvəl qidaları uzun müddət saxlaya biləcək bir dondurma prosesini ortaya çıxara bildi. O vaxtdan bəri insanlar tərəvəz və meyvələrin dondurulmasından fəal şəkildə istifadə edirlər.

Dondurulmuş tərəvəz və meyvələrdə təzə qidalarla eyni miqdarda vitamin var.

Dondurmanın dadını tam şəkildə aşkara çıxarmaq üçün dequstatorlar onun dadına qızıl qaşıqlarla baxmalıdırlar.  Qızılın iyi və tamı olmadığı üçün dadı dəqiq seçməyə imkan verir.

Dondurulmuş qidaların saxlanması üçün ən yaxşı temperatur mənfi 18 dərəcədir. Dondurma prosesi 100 il əvvəl icad edilsə də, ideal saxlama temperaturu yalnız 1964-cü ildə tapıldı. Temperatur nə qədər aşağı olsa, bir o qədər yaxşıdır. Bəs niyə ən yaxşı temperatur -18 dərəcədir? Fakt budur ki, temperaturun daha da artması enerji istehlakının əhəmiyyətli dərəcədə artmasına səbəb olur.

Dondurulmuş tərəvəz və meyvələr əridilmədən bişirilə bilər, lakin yadda saxlamaq lazım olan bir nüans var. Fakt budur ki, xəmirə, qiymə ətinə və ya salata əlavə edilərsə mütləq əritməlisiniz.

Dondurma bakteriyaları öldürə bilər

Tərəvəz, meyvə və balıq çubuqları tez soyudulursa, bu, məhsullarda çox sayda bakteriyanın ölməsinə kömək edir.

Dondurulmuş meyvələr bir ildən çox saxlanılır, hətta bir ildən sonra dondurulmuş qidalar hələ də yeməli olacaq. Qeyd etmək lazımdır ki, belə uzun müddət dondurulduqda onlar bütün vitaminlərin təxminən 25%-ni itirir, lakin dadını və aromasını saxlayır.

Sürətli dondurma  prosesi baş verdikdə, su molekulları ilə eyni ölçüdə olan buz kristalları meydana çıxır. Bu o deməkdir ki, məhsulu defrost etdikdən sonra orijinal rəng və dad qalacaq.

Yaxşı olar ki, dondurulmuş qidaları otaq temperaturunda deyil, soyuducunun adi gözlərində əriməyə qoyasınız. Bu zaman aşağı temperatur bakteriyaların böyüməsini ləngidir. Təbii ki, bu halda dondurulmuş məhsulun əriməsi otaq temperaturundan daha çox vaxt aparacaq.

Nubar Süleymanova, “İki sahil”